الاثنين، 29 مارس 2010

THEY BROKE IN


السلام عليكم

اليوم بصراحة كان يوم مميز بحياتي

راح تسالوني ليش.. 

راح اقولكم لاني حظرت ندوة بعنوان THEY BROKE IN




اهيا عنوانها غريب صح!!

دخلتها بصراحة و طلعت احس اكتسبت اشياء مهمة و مفيدة

تكلموا عن فلسطين

و كانوا يايين بنت من تركيا و فاطمة محمدي من امريكا و وحدة كويتية

ما شاء الله عليها اول بنت كويتية تروح فلسطين

و تكلموا عن الظلم و القهر اللي تتعرض له فلسطين و ما بقى منها الا غزة اللي لو راحت خلاص تنتهي فلسطين

و وحدة قالت قصة مؤثرة تقول كل ما ألقي ندوة اقولها

لانه اهما ما شاء الله يلقون ندوات بوايد دول توصل حتى لبلجيكا و الخ...

و مجموعتهم فيها من كل الاجناس و الاديان ..

نرجع حق القصة انهم و اهما رادين بالطريج بيحركون من الباص مستعيلين حيل

ولا ما يشوفون الا وحدة تركض بتتبرع حق فلسطين نهقون بشنو... بتراجيها ذهب و عطتهم وحدة و الثانية من العيلة ما انشلعت فشلعتها حيل لدرجة انهم خذوا التراجي و عليها دم و على فكرة البنية مو مسلمة.. بس قالت ابي اقدم شي لفلسطين

و قصة ثانية انه وحدة انجليزية تبرعت بخاتم من امها بمناسبة تخرجها و غالي عليها حيل بس تبرعت فيه شوفوا الايثار.. و هذا اكبر مثال لــ ((لن تنالوا البر حتى تنفقوا مما تحبون))

و قالوا قاعده حلوة اي شي يساعد الانسانية و الخير انا معاه

و قالت وحدة انه اللي يروح فلسطين راح يرد انسان غير و تزيد ايمانه .. و يحس بقيمة حياته.. و الشي اللي تشوفونه بالتلفزيون و الاعلام غير و الواقع بفلسطين شي ثاني..

و من كلامهم اللي اثرت فيني انه عالرغم من اللي تعانيه فلسطين بس عمرها ما اشتكت و اهما صامدين لدرجة ما نتوقعها و ليلحين يكملون دراستهم و عايشين حياتهم ..

و بعد قالوا مافي شي مستحيل nothing is impposible
اذا كان ودكم بشي و اصريتوا عليه من اعماقكم

المهم للي حاب يشترك معاهم هذا موقعهم


و للي يبي يتبرع على قولة وحدة منهم حتى لو ب 100 فلس اهم شئ النية .. صدقوني هالشي مو متعلق بالقيمة على كثر ما يتعلق ببركة هالشي ..

وعلى قد ما تقدرون نشروا هالحملة التطوعية سواء بالبلوقات او الفيسبوك او المنتديات و بقروبات الايميلات او حتى اهاليكم و اصدقائكم على قد ما تقدرون لانهم يستاهلون..

صور للمحاظرة


اول وحدة عاليمين اهيا التركية و اللي يمها عريفة الندوة
الثانية عاليسار اهيا اول بنت كويتية راحت حق فلسطين او بالاحرى غزة
مني قاعده تشرح انه المتطوعين من كل دولة و كل دين حتى المسيحيين

و للعلم الندوة كانت بكليتي العلوم الادارية ..


هناك 11 تعليقًا:

شاي الضحى يقول...

خوش ندوه والله :)


شكرا

قارئه فـ حسب,, يقول...

العفو حبيبتي

حياج بكل وقت ضحاوي..

ألـوان التفاؤل ~ يقول...

شكلها حلوة الندوة @@ ماشاءالله
الحمدلله انج حضرتيـها =) !

اما سالفة اللي تبرعت بالتراجي وعليهم الدم ="( !! ومو مسلمة !! سبحان الله ..
واحنا المسلمين لا حول ولا قوة إلا بالله =""(

الله يحفظ فلسطين من شر هالاعداء ويحفظ المسجد الاقصى من انتهاكاتهم !

يعطيج الف عافيـة حبيبتي على هالتقرير عن المحاضـرة !
استفدنــا منهـ

دمتِ بخيــر ~

قارئه فـ حسب,, يقول...

حياتي الوان

تسلمين

و مادام فيه الناس الطيبين مثلج احنا بخير

جزاج الله خير..

Hadeel يقول...

وااايد واايد حلو ..

بالادارية؟؟!! .. وأنا ويني ما دريت ^^
شكلي نايمة على عمري

قارئه فـ حسب,, يقول...

عيونج الحلوة والله

اي بالادارية ب A1

و كان يوم29/3

المورقة عبير !! يقول...

ندوة حلوة من كلامكِ عنها

جزيتِ خيراً

تحياتي

رورو الشخبوطه يقول...

شكلها حلوه ماشاءالله..

مشكوره..

قارئه فـ حسب,, يقول...

عبير

مشكورة حبيبتي

اسعدتيني بمرورج اللطيف,,

***

رورو

ما قصرتي حبيبتي عالمرور,,

Engineer A يقول...

خوش ندوة وماشاءالله مبين عليها انها كانت غنية بالمعلومات والنقاشات الهادفة ..

بالتوفيق :)

قارئه فـ حسب,, يقول...

مهندستنا

تسلمين حبوبه,,